महाराष्ट्र गृहनिर्माण व क्षेत्रविकास प्राधिकरणाकडे (म्हाडा) सन २०२३-२४ मध्ये प्रत्यक्ष जमा रु. ८,११३.८८ कोटी होती. सन २०२४-२५ मध्ये प्रत्यक्ष जमा रु. ११,३३४.५१ कोटी एवढी झाली असून सन २०२३-२४ च्या तुलनेत सन २०२४-२५ मध्ये म्हाडाच्या जमा रकमेत रु. ३,२२०.६३ कोटींची वाढ म्हणजेच ३९.६९ टक्के वाढ झाली आहे.
सन २०२४-२५ मध्ये महसुली जमेपोटी रु. ५००० कोटी प्राप्त झालेले आहेत. यामध्ये चटई निर्देशांक (एफएसआय), गुंतवणुकीवरील व्याज, इमारत परवानगी शुल्क, भाडे व सेवा आकारापोटी मिळणाऱ्या रकमांचा समावेश आहे. भांडवली जमेपोटी रु. १७०० कोटी प्राप्त झालेले आहेत. यामध्ये म्हाडाच्या विविध मंडळांकडून सोडतीद्वारे घरांच्या विक्री, विक्री अभावी पडून असलेल्या गाळ्यांच्या विक्रीसाठी विशेष योजना राबवून त्यातून प्राप्त झालेल्या रकमांचा समावेश आहे. मुंबई झोपडपट्टी सुधार मंडळास जिल्हा नियोजन कार्यालयाकडून रु. २२०० कोटी प्राप्त झालेले आहेत.
‘म्हाडा’ने विविध योजनांसाठी शासनाकडे अर्थसहाय्य म्हणून रु. २,३५० कोटी व आतापर्यंत म्हाडाने शासनास दिलेल्या कर्जाच्या प्रतिपूर्तीसाठी रु. १,०५० कोटी असे एकूण रु. ३,४०० कोटींची मागणी केली होती. यापैकी शासनाने ‘म्हाडा’ला अर्थसहाय्य म्हणून एकूण रु. रु. १७५८.६० कोटी दिले आहेत.
| जर आमच्या लेखावर काही प्रश्न वा दृष्टिकोन असेल तर आम्हाला तुमच्याकडून ऐकायला आवडेल. यासाठी आमच्या मुख्य संपादक झुमुर घोष यांना jhumur.ghosh1@housing.com या ईमेलवर लिहा. |
