அஞ்சலக சேமிப்புக் கணக்கு குறித்த விரிவான தகவல்கள்

இந்தியாவில் அஞ்சல் அலுவலகங்கள் அஞ்சலக சேமிப்புக் கணக்கு என்று அழைக்கப்படும் நிதிவைப்புத்திட்டம் ஒன்றை வழங்குகிறது. அந்தக் கணக்கின் இருப்புத்தொகைக்கு ஒரு நிலையான வட்டி விகிதம் வழங்கப்படுகிறது. நிலையான வட்டி விகிதத்தில் வட்டித் தொகையை பெரும்பொருட்டு தங்களது நிதி ஆதாரத்திலிருந்து ஒரு மிகையான சதவிகிதத்தில் தொகை முதலீடு செய்ய விரும்பும் விரும்பும் தனிநபர் முதலீடுகளுக்கு இது ஒரு பயனுள்ள திட்டமாகும்  

குறிப்பாக இந்தியாவின் கிராமப்புறங்களில் வசிப்பவர்களுக்கு இச் சேமிப்புக் கணக்குகள் மிகவும் பயனுள்ள திட்டமாக விளங்குகிறது. வங்கிகளை விட தபால் அலுவலகங்கள் பல கிளைகளையும், பரந்த புவியியல் வரம்பையும் கொண்டிருப்பதால், பல பின்தங்கிய பகுதிகளில் உள்ள தனிநபர்கள் தபால் அலுவலகங்கள் மூலம் சேமிப்புக் கணக்குகளைத் தொடங்க இது வழிவகுக்கிறது.

அஞ்சலக சேமிப்புக் கணக்கு: சிறப்பம்சங்கள்

• நீங்கள் எப்போது வேண்டுமானாலும் கணக்கை நிறைவு செய்யும் தேர்வு உங்களுக்கு உள்ளது.
• மைனர்கள் தங்கள் கணக்குகளைப் பயன்படுத்த குறைந்த பட்சம் 10 வயது நிரம்பியவர்களாக இருக்க வேண்டும்  .
• கணக்கை செயலில் வைத்திருக்க ஒவ்வொரு மூன்று வருடங்களிலும் ஒரு முறையாவது பண வைப்பு அல்லது பணம் எடுப்பது  கட்டாயமாகும்.
• ரொக்கப் பணம் கொண்டு மட்டுமே கணக்கைத் துவக்கமுடியும். 
• கணக்கைத் துவக்கும் போது அல்லது பின்னர் பயனாளியை நியமிக்கும் வசதி உள்ளது.
• ஈட்டும் வட்டிக்கு ஆண்டுக்கு ரூ.10,000 வரை வரி விலக்கு உண்டு.
• வருமான வரிச் சட்டத்தின் பிரிவு 80L இன் வழிகாட்டுதல்களின்படி, வட்டித் தொகையில் வருமான வரிக் குறைப்பு வழங்கப்படுகிறது.
• தனிநபர் கணக்குகளை கூட்டுக் கணக்குகளாக மாற்றும் வசதி உள்ளது
• கணக்குகளை ஒரு அஞ்சலகத்திலிருந்து மற்றொன்றுக்கு மாற்றலாம்.
• CBS அஞ்சலகங்களில், எந்த மின்னணு முறையையும் பயன்படுத்தி டெபாசிட் செய்யலாம் அல்லது பணம் எடுக்கலாம். 
• பரிவர்த்தனைகளுக்கு ATMகளைப் பயன்படுத்தலாம்.

அஞ்சலக சேமிப்புக் கணக்கு- தகுதி

• முதிர்வயதுடையவர் அஞ்சலகத்தில் சேமிப்புக் கணக்கைத் தொடங்கலாம்.
• இந்திய குடியுரிமை பெற்ற முதிர்வயதுடையவராக இருக்க வேண்டும்.
• மைனர்களுக்கு அஞ்சலக சேமிப்புக் கணக்கைத் துவக்க விரும்பினால், அவர்கள் குறைந்தபட்சம் 10 வயது நிரம்பியவராக இருக்க வேண்டும்.
• கூடுதலாக, மைனர் சார்பாக ஒரு பாதுகாவலர் ஒரு கணக்கைத் துவக்கவேண்டும்.
• இரண்டு அல்லது மூன்று பேர் இணைந்து அஞ்சலகக் கணக்கைத் தொடங்கலாம்.

அஞ்சலக சேமிப்புக் கணக்கு: தேவையான ஆவணங்கள்

• அஞ்சலகத்தில் சேமிப்புக் கணக்கு தொடங்குவதற்கான விண்ணப்பம்
• KYC படிவம்
• தேசிய மக்கள்தொகை பதிவேடு வழங்கிய பான் கார்டுகள், ஆதார் அட்டைகள், பாஸ்போர்ட்கள், ஓட்டுநர் உரிமங்கள், வாக்காளர் அட்டைகள், MNREGA பணி அட்டைகள் மற்றும் கடிதங்கள்.

அஞ்சலக சேமிப்புக் கணக்கை எப்படித் துவக்குவது?

1. ஆன்லைனில் அல்லது அருகிலுள்ள அஞ்சலகத்தில் உரிய படிவத்தைக் கண்டறியவும்.
2. படிவத்தை பூர்த்தி செய்து தேவையான KYC ஆவணங்கள் மற்றும் புகைப்படங்களுடன் அனுப்பவும்.
3. விரும்பிய டெபாசிட் தொகையை செலுத்தவும், இது குறைந்தபட்சம் ரூ. 20 இருக்க வேண்டும். 
4. காசோலை புத்தகம் இல்லாமல் அஞ்சலக சேமிப்புக் கணக்கைத் தொடங்க, குறைந்தபட்ச வைப்புத் தொகை ரூ. 50 செலுத்தவேண்டும்
5. மூத்த நபர்கள் பல படிவங்களை அணுகலாம்.
6. நீங்கள் தொகையைச் செலுத்தியவுடன் உங்கள் சேமிப்புக் கணக்கு உருவாக்கப்படும்.

அஞ்சலக சேமிப்புக் கணக்கு: வட்டி விகிதங்கள்

அஞ்சலக சேமிப்புக் கணக்குகளுக்கான வட்டி விகிதத்தை மத்திய அரசு நிர்ணயம் செய்கிறது. தற்போது ஆண்டுக்கு 4% என்ற விகிதத்தில் மாதந்தோறும் கணக்கிடப்படுகிறது. வருமான வரிச் சட்டங்களின் படி அஞ்சலக சேமிப்புக் கணக்கு வைத்திருப்பவர் பெறும் வட்டி வருமானத்தில் ஆண்டுக்கு ரூ.10,000 வரை வரி விதிக்கப்படுவதில்லை.

அஞ்சலக சேமிப்புக் கணக்கு: பலன்கள்

• அஞ்சலகசேமிப்புக் கணக்கைத் துவக்க குறைந்தபட்சம் ரூ.20 இருப்புத் தேவைப்படும்.
• தேவைப்பட்டால், பணத்தை பகுதியாகவோ அல்லது முழுமையாகவோ  எடுத்துக் கொள்ளலாம்..
• அனைத்து முதலீடுகள் மீதும்உறுதியான வருவாய் கிடைப்பதால் கணக்கு வைத்திருப்பவர்களுக்கு ரிஸ்க் வெளிப்பாடு மிகவும் குறைவு. 
• கணக்கை ஒரு  அஞ்சலகத்திலிருந்து மற்றொன்றுக்கு மாற்றும் வசதி உள்ளது.
• கோர் பேங்கிங் சேவைகளை வழங்கும் தபால் நிலையங்கள் ஏடிஎம்/டெபிட் கார்டு சேவையையும் வழங்குகின்றன.
• 10 வயதுக்கு உட் பட்ட மைனர் சிறார்கள் அவர்கள் பெயரிலேயே கணக்கை துவங்கலாம் . இருப்பினும் அதை செயலாக்கம் செய்யும்  பொறுப்பு பெற்றோர்கள் அல்லது பாதுகாவலர்கள் வசம் இருக்கும். 
• கணக்கு வைத்திருப்பவர் இறக்கும் பட்சத்தில், அவர்களது நிதியைப் பெற ஒரு பயனாளியை நியமிக்கும் தேர்வு உள்ளது.
• தபால் அலுவலகம் வழங்கும் சேமிப்புக் கணக்குக்கு முதிர்வு தேதி கிடையாது. இதன் விளைவாக, ஒரு கணக்கை உருவாக்குவது எளிதானது மற்றும் விரைவானது.
• தனி நபர் கணக்கை கூட்டுக் கணக்காக மாற்றலாம் அல்லது அதற்கு நேர்மாறாகவும் மாற்றலாம்.
• கிராமப்புறங்களில் வசிப்பவர்கள் அஞ்சலகத்தில் சேமிப்புக் கணக்கைத் தொடங்கலாம்.

அஞ்சலக சேமிப்புக் கணக்கு: பணம் எடுத்தல்

அஞ்சலக சேமிப்புக் கணக்கில் உள்ள பணம் டெபாசிட் செய்பவர்  தேவைப்படும் போது பணத்தைத் திரும்பப் பெறலாம். ஆனால், அடிப்படைக் கணக்கில் ரூ.50 மற்றும் காசோலை புத்தகம் கொண்ட கணக்குகளில் ரூ.500 குறைந்தபட்ச இருப்புத் தொகையாகப் பராமரிக்கப்பட வேண்டும்.

அஞ்சலகங்கள் சேமிப்பு கணக்குகளுக்கான புதிய சேவைக் கட்டணங்கள்

• நகல் காசோலை புத்தகம்: ரூ 50
• டெபாசிட் ரசீது வழங்குதல்: ஒரு ரசீதுக்கு ரூ.20
• கணக்கு அறிக்கை வழங்குதல்: ஒரு அறிக்கைக்கு ரூ 20
• சான்றிதாழ் தொலைந்து போன அல்லது சேதமடைந்த நிலையில், ஒரு பதிவுக்கு பாஸ்புக் ஒன்றுக்கு ரூ. 10.
• சேமிப்புக் கணக்கிற்கான காசோலை புத்தகத்தை உருவாக்குதல்: ஒரு நிதியாண்டில், 10 காசோலை தாள்களுக்கு   கட்டணத்தில் இருந்து விலக்கு அளிக்கப்படுகிறது. (அதன்பின், ஒரு காசோலை தாளுக்கு ரூ. 2)
• கணக்கு பரிமாற்றங்கள் மற்றும் கணக்கு பிணையம் தொடர்பாக: ரூ 100
• திரும்பி வரும் காசோலைகளுக்கான கட்டணம்: ரூ 100

சரி பாருங்கள் : பேங்க் ஆஃப் பரோடா IFSC குறியீடு பற்றி தெரிந்து கொள்ளுங்கள்