ஈபிஎஃப்ஓ (EPFO – employees provident fund organization) எனும் இந்த அமைப்பின்கீழ் வரும் அரசால் நிர்வகிக்கப்படும் ஓய்வூதிய சேமிப்புத் திட்டத்தில் உங்கள் பணிக்காலம் முதல் ரிட்டையர்மென்ட் காலம் வரை நீங்கள், உங்கள் வருமானதில் இருந்து சிறிய தொகையை பங்களிப்பு செய்து வந்திருந்தால், அதனை பிஎஃப் (PF) அல்லது ஈபிஎஃப் (EPF) தொகையாக திரும்பப் பெற்றுக்கொள்ளலாம். பிஎஃப் திரும்பப் பெறுதல் செயல்முறையை புரிந்துகொள்ளவும், ஆன்லைன் மற்றும் நேரடியாக இபிஎஃப் திரும்பப் பெறுதல் பற்றியும் மட்டுமின்றி, ஈபிஎஃப்ஓ சந்தாதாரர்கள் பிஎஃப் திரும்பப் பெறுதல் செயல்முறையில் உள்ள விதிமுறைகள் மற்றும் நிபந்தனைகளைத் தெரிந்துகொள்ளவும் ஒரு வழிகாட்டியாக இருந்து விளக்குகிறது இந்தக் கட்டுரை.
இதையும் வாசிக்க: யுஏஎன் எண்ணுடன் பிஎஃப் தொகை இருப்பு சரிபார்த்தல் குறித்த முழு விவரம். ஈபிஎஃப் பாஸ்புக் குறித்த அறியவேண்டிய முழு விவரம்
ஆன்லைனில் பிஎஃப் திரும்பப் பெறுதல்
ஈபிஎஃப்ஓ இணையதளத்தில் உங்களது நிறுவனத்தின் எந்தவித ஒப்புதலும் இல்லாமல் இபிஎஃப் தொகையைத் திரும்ப பெறுவதற்கு விண்ணப்பிக்கலாம். மேலும் இதில் பிஎஃப் க்ளைம் ஒப்புதல் நிலை பற்றியும் அறியலாம். உங்களது யுஏஎன் (UAN) ஆதார் உடன் இணைக்கப்பட்டு இருந்தால் மட்டுமே இணையதளத்தில் பிஎஃப் க்ளைம் செய்து பிஎஃப் தொகையை திரும்பப் பெற இயலும்.
யுஏஎன் லாகின் செயல்முறை மூலம் அதனை எவ்வாறு ஆக்டிவ் செய்வது என்பது பற்றிய வழிகாட்டியை முதலில் நாடலாம்.
ஆன்லைனில் பிஎஃப் திரும்பப் பெறுதல்: படிப்படியான செயல்முறை
படி 1: அதிகாரப்பூர்வ EPFO உறுப்பினர் இணையதளம் செல்லுங்கள்.
படி 2: இணையதளத்தின் மேல் இடது பக்கத்தில் Service என்னும் ஆப்ஷனை தேர்ந்தெடுத்து, அதில் உள்ள டிராப்-டவுன் மெனுவில் இருந்து ‘For Employees’ எனும் ஆப்ஷனை தேர்ந்தெடுக்க வேண்டும்.
படி 3: ‘Member UAN/Online Services (OCS/OTCP)’ என்னும் ஆப்ஷனை தேர்ந்தெடுங்கள்.
படி 4: மேற்கண்ட விருப்பங்களைத் தேர்வு செய்வதன் மூலம் நீங்கள் ஒரு புதிய பக்கத்திற்கு சென்றடைவீர்கள். அங்கு உங்கள் யுஏஎன், பாஸ்வேர்டு மற்றும் கேப்ச்சா விவரங்களை கொடுத்து உள் நுழைய வேண்டும்.
படி 5: உங்கள் ஹோம் அக்கவுன்டின் மேலே இடது பக்கத்தில் Manage எனும் விருப்பத்தை தேர்ந்தெடுத்து, அதிலிருந்து டிராப்-டவுன் மெனுவில் தோன்றும் KYC எனும் ஆப்ஷனை தேர்ந்தெடுக்க வேண்டும்.
படி 6: இப்போது ஒரு புதிய பக்கம் தோன்றும். அதில் KYC விவரங்களை சரியாக கொடுக்க வேண்டும். இந்த விவரங்கள், உங்கள் பிஎஃப் தொகை எந்த வங்கி கணக்கில் ஈபிஎஃப்ஓ மூலம் வரவு வைக்கப்பட வேண்டுமோ, அந்த வங்கி கணக்கில் கொடுக்கப்பட்டுள்ள விவரங்களுடன் சரியாக பொருந்த வேண்டும்.
படி 7: உங்கள் KYC விவரங்களை சரியாக கொடுத்த பிறகு Online Service எனும் டேபுக்கு செல்லுங்கள். அதன் டிராப்-டவுனில் தோன்றும் மெனுவில் ‘Claim (Form-31, 19 & 10C)’ எனும் ஆப்ஷனை க்ளிக் செய்ய வேண்டும்.
படி 8: ஒரு புதிய பக்கத்தில் இதுவரை நீங்கள் அளித்த உங்களது அனைத்து விவரங்களும் தோன்றும். மேலும் உங்கள் EPF தொகை எந்த வங்கிக் கணக்கில் வரவு வைக்கப்பட வேண்டுமோ, அந்த வங்கிக் கணக்கு எண்ணும், நீங்கள் இங்கு அளித்துள்ள வங்கிக் கணக்கு எண்ணும் ஒன்றாக இருப்பதை உறுதி செய்துகொள்ள வேண்டும்.
படி 9: உங்களது வங்கி விவரங்களை சரிபார்த்து உறுதி செய்த பிறகு ‘Certificate of Undertaking’ என்று தோன்றும். அதில் ‘Yes’ எனும் ஆப்ஷனை க்ளிக் செய்ய வேண்டும்.
படி 10: ‘Proceed for Online Claim’ மீது க்ளிக் செய்யுங்கள்.
படி 11: க்ளைம் படிவத்தில் ‘I Want To Apply For’ என்னும் ஆப்ஷனின் கீழ் நீங்கள் விரும்பும் ஆப்ஷனை தேர்ந்தெடுக்கலாம் – அதாவது ஈபிஎஃப் செட்டில்மென்ட் முழுமையாக (complete EPF settlements), ஈபிஎஃப் ஒரு பகுதி திரும்பப் பெறுதல் (கடன் / முன்பணம்) (EPF part withdrawal – loan/advance) அல்லது பென்ஷன் திரும்பப் பெறுதல் (pension withdrawal). இந்த சேவைகளில் ஏதேனும் ஒன்றில் நீங்கள் தகுதி பெற்றவராக இருக்க வேண்டும். அவ்வாறு இல்லையெனில் இந்த ஆப்ஷன்கள் எதுவும் டிராப்-டவுன் மெனுவில் காட்டப்படாது.
படி 12: உங்கள் பிஎஃப் தொகையை திரும்ப பெற ‘PF Advance (Form 31)’ என்பதை தேர்ந்தெடுக்க வேண்டும். மேலும் நீங்கள் முன்பணம் வேண்டி விண்ணப்பிக்கும்போது தேவையான தொகை மற்றும் உங்கள் முகவரியை வழங்க வேண்டும். பின்னர் தோன்றும் செல்ஃப் டிக்ளரேஷன் எனும் பாக்ஸை சரிபார்க்க வேண்டும்.
படி 13: இப்போது பிஎஃப் தொகை பெறுவதற்கான உங்கள் விண்ணப்பம் சமர்ப்பிக்கப்பட்டுவிட்டது. பிஎஃப் திரும்பப் பெறுவதற்கான விண்ணப்பம் சமர்ப்பிக்கப்பட்ட பிறகு, அதை நடைமுறைப்படுத்த உங்கள் நிறுவனம் ஒப்புதல் அளிக்க வேண்டும்.
ஈபிஎஃப் திரும்பப் பெறுதல்: விதிகள் 2022
பிஎஃப் திரும்பப் பெறுவதற்கான காலம்
பிஎஃப் கணக்கு என்பது உங்களது வழக்கமான சேமிப்பு கணக்கு போன்றது இல்லை. பிஎஃப்பில் சேமிக்கப்படும் பணம் ஓய்வு பெற்ற பிறகு பயன்படுத்துவதற்காக ஆரம்பிக்கப்பட்ட திட்டம் ஆகும். எனவே, நீங்கள் பணி செய்யும் காலத்தில் பிஎஃப் தொகையைத் திரும்பப் பெறுவது சாத்தியம் இல்லை. பணியில் இருந்து ஓய்வு பெற்ற பின்னரே பிஎஃப் பணத்தைத் திரும்ப பெற இயலும்.
பிஎஃப் தொகையை முழுமையாக திரும்பப் பெறுதல்
நீங்கள் வேலையில் சேர்ந்து ஓய்வு பெறும் வயதான 58 வயதை அடைந்து ஓய்வு பெற்ற பின்னரே பிஎஃப் தொகை முழுவதையும் திரும்பப் பெறுவது சாத்தியமாகும். மேலும், நீங்கள் முன்கூட்டியே வேலையிலிருந்து ஓய்வு பெறுகிறீர்கள் என்றாலும், குறைந்தது 55 வயது நிரம்பியிருந்தால் மட்டுமே பிஎஃப் தொகையை முழுமையாக திரும்பப் பெற முடியும்.
நீங்கள் இரண்டு மாதம் அல்லது அதற்கு மேலும் வேலையில்லாமல் இருக்கும் பட்சத்தில் நீங்கள் பிஎஃப் தொகையை திரும்பப் பெறுவதற்கான விண்ணப்பத்தை நிரப்பும்போது, அதில் ‘unemployed’ என்று குறிப்பிட்டால் உங்களது பிஎஃப் தொகையை முழுமையாகப் பெற முடியும்.
அவசர காலத்தில் ஒரு பகுதி பிஎஃப் திரும்பப் பெறுதல்
அவசர காலத்தில் நீங்கள், உங்கள் பிஎஃப் தொகையில் இருந்து ஒரு பகுதித் தொகையை பெற இயலும். அவசர காலத்தில் உங்கள் பிஎஃப் தொகையில் இருந்து எவ்வளவு தொகை பெற இயலும் என்பது பிஎஃப் விண்ணப்பிக்கும்போது தரும் காரணங்களைப் பொறுத்து உள்ளது. பிஎஃப் தொகையில் ஒரு பகுதியைத் திரும்ப பெறுவதற்கு பிஎஃப் உறுப்பினர் தங்களுக்கு வரையறுக்கப்பட்டுள்ள பணிக் காலம் வரை சர்வீஸ் செய்திருக்க வேண்டும்.
PF திரும்பப் பெறுதல்: நீங்கள் வேலையில் இருக்கும்பொழுது ஈபிஎஃப் திரும்பப் பெறுவதற்கான ஏற்புடைய காரணங்கள்
- உயர் கல்வியைத் தொடர
- மருத்துவ சிகிச்சை
- திருமணம்
- வீடு கட்டுதல் அல்லது வாங்குதல்
- வீடு பழுதுபார்த்தல்
- வீட்டுக்கடன் திருப்பி செலுத்துதல்
- 60 நாட்கள் அல்லது இரண்டு மாதங்களுக்கு மேல் வேலையின்மை
- வெளிநாட்டுக்கு மாறுதல்
- கருவுற்றிருக்கும்பொழுதோ அல்லது பிரசவம் காரணமாக வேலையை விட்டு வெளியேறுதல்
பிஎஃப் அட்வான்ஸ் பெறுவதற்கான நிபந்தனைகள்
தனது ரிட்டயர்மென்ட்டுக்கு முன்னரே பிஎஃப் தொகையிலிருந்து முன்பணம் பெறுவதற்கு கீழ்க்கண்ட நிபந்தனைகளின் வரையறைக்குள் இருப்பவர்களே பெற இயலும்.
- திருமண ஏற்பாடுகளுக்காக உங்களது பிஎஃப் அக்கவுன்டில் இருந்து பணம் பெறலாம். இந்தக் காரணத்திற்காக உங்கள் வேலை காலத்தில் மூன்று முறை பணம் பெற இயலும்.
- பள்ளிப் படிப்புக்குப் பிறகு உயர் கல்வி நிதிக்காக பிஎஃப் கணக்கில் இருந்து பணம் பெறலாம். இந்த நிபந்தனையின் அடிப்படையில் உங்கள் பணிக் காலத்தில் மூன்று முறை பணம் பெறலாம் பெற இயலும்.
- இடம் வாங்க, வீடு கட்ட அல்லது வீடு வாங்க ஒரே ஒருமுறை மட்டும் உங்கள் பிஎஃப் தொகையிலிருந்து பணம் பெற இயலும்.
- தீவிர நோய் சிகிச்சைக்கு பிஃப் பணத்தை அட்வான்ஸாக எடுக்க இயலும். இந்த நிபந்தனையின் கீழ் எத்தனை முறை வேண்டுமானாலும் பணம் பெற இயலும்.
ஒரு நபர் தனது பணியை இழக்கும்போது பிஎஃப் திரும்பப் பெறுதல்
தங்கள் பணியை இழந்தவர்கள் ஒரு மாதத்திற்குப் பிறகு தங்களது பிஎஃப் கணக்கில் இருந்து ஒட்டுமொத்த நிதியிலிருந்து 75% தொகையை திரும்பப் பெறலாம. மேலும் ஒருவர் இரண்டு மாதம் வரை வேலை இல்லாமல் இருந்தால் மீதமுள்ள 25% தொகையையும் அவர் திரும்பப் பெற முடியும்.
பிஎஃப் திரும்பப் பெறுதலுக்கான வரம்பு
பிஎஃப் கணக்கு வைத்திருப்பவர் தங்களது மூன்று மாத அடிப்படை சம்பளம் மற்றும் அகவிலைப்படியுடன் கூடிய தொகைக்கு சமமான அளவு அல்லது அவர்களது பிஎஃப் கணக்கில் உள்ள மொத்தத் தொகையில் 75% வரை எடுக்கலாம். ஆனால், அது அவர்கள் விண்ணப்பித்த தொகைக்கு குறைவாக இருக்க வேண்டும். உங்கள் பிஎஃப் கணக்கில் ரூ.3 லட்சம் இருக்கும் பட்சத்தில், இப்போது உங்கள் மூன்று மாத அடிப்படைச் சம்பளம் மற்றும் அகவிலைப்படி சேர்ந்து ரூ.2 லட்சம் என்று வைத்துக் கொண்டால், பிஎஃப் கணக்கில் உள்ள ரூ.3 லட்சத்தில் 75 சதவீதம் என்பது ரூ.2.25 லட்சத்துக்கு சமம். ஆகவே, உங்கள் பிஎஃப் கணக்கில் இருந்து ரூ.2 லட்சத்தை மட்டுமே திரும்பப் பெற இயலும்.
பிஎஃப் பகுதியளவு திரும்பப் பெறுதலுக்கான வரம்பு அட்டவணை
ஈபிஎஃப் திரும்பப் பெற காரணம்
|
சேவை காலம்
|
ஈபிஎஃப் திரும்பப் பெறும் வரம்பு
|
பயனாளி
|
வீடு வாங்குதல்/ மனை வாங்குதல்/ வீடு கட்டுதல்
|
5ஆண்டுகள்
|
*பணியாளரின் 24 மாத அடிப்படைச் சம்பளம் மற்றும் அகவிலைப்படி அல்லது மனையின் உண்மையான விலை, மனை வாங்கும் பட்சத்தில் எது குறைவோ அதற்கான தொகை
**36 மாத அடிப்படைச் சம்பளத்துனுடன் அகவிலைப்படி அல்லது நிலத்தின் உண்மையான விலை அல்லது கட்டுமானத்திற்கு தேவையான தொகை, எது குறைவோ அதற்கான தொகை
*மேற்கண்டவற்றில் எந்த ஒரு காரணத்திற்காகவும் பிஎஃப் இருப்பில் இருந்து 90% மேல் பிஎஃப் தொகை பெற இயலாது.
|
பிஎஃப் கணக்கு வைத்திருப்பவர்கள் மற்றும் அவர்களது மனைவி அல்லது கூட்டுக் கணக்கு.
|
வீட்டுக் கடன் திருப்பி செலுத்துதல்
|
3 ஆண்டுகள்
|
பிஎஃப் இருப்பில் 90%
|
பிஎஃப் கணக்கு வைத்திருப்பவர்கள் மற்றும் அவர்களது மனைவி அல்லது கூட்டுக் கணக்கு.
|
வீட்டை புதுப்பித்தல் மற்றும் பழுதுபார்த்தல்
|
10 ஆண்டுகள்
|
12 மாத அடிப்படைச் சம்பளம் மற்றும் அகவிலைப்படி.
|
பிஎஃப் கணக்கு வைத்திருப்பவர்கள் மற்றும் அவர்களது மனைவி அல்லது கூட்டுக் கணக்கு.
|
திருமணம்
|
7 ஆண்டுகள்
|
பணியாளரின் பிஎஃப் சேமிப்பில் 50% மற்றும் வட்டி
|
பிஎஃப் கணக்கு வைத்திருப்பவர்கள், அவர்களின் பிள்ளைகள் மற்றும் உடன்பிறந்தவர்கள்.
|
மருத்துவ சிகிச்சை
|
பொருந்தாது
|
வட்டியுடன் கூடிய பணியாளரின் ஷேர் தொகை அல்லது மாதச் சம்பளத்தின் ஆறு மடங்கு. இதில் எது குறைவோ அது.
|
பிஎஃப் கணக்கு வைத்திருப்பவர், அவரது மனைவி, அவரது பெற்றோர் மற்றும் அவரது பிள்ளைகள்.
|
இதையும் வாசிக்க: ஈபிஎஃப் பாஸ்புக்: யுஏஎன் உறுப்பினர் பாஸ்புக்கை சரிபார்த்து பதிவிறக்கம் செய்வது எப்படி?
பிஎஃப் திரும்பப் பெறுதல் மீதான வரி
பணியாளர் ஐந்தாண்டு சேவைக்குப் பிறகு ஈபிஎஃப் தொகையை திரும்பப் பெறும் பட்சத்தில் அதற்கு எந்த வரியும் விதிக்கப்பட மாட்டாது. பணியாளர் ஐந்தாண்டு கால சேவைக்கு முன்னரே பிஎஃப் தொகையைப் திரும்பப் பெற முயற்சித்தால் அவரது பிஎஃப் இருப்பிலிருந்து பத்து சதவீதம் டிடிஎஸ் (TDS – Tax Deducted at Source) கழிக்கப்படும். மேலும், விண்ணப்பிக்கபடும் ஈபிஎஃப் தொகை 50,000 ரூபாய் வரை இருந்தால் அதற்கு வரி இல்லை.
எனினும், பிஎஃப் தொகையை திரும்பப் பெற விண்ணபிக்கும்போது PAN விவரங்களை வழங்கவில்லை எனில், 30% வரை TDS விதிக்கபடும்.
வேலை இழப்பு நீக்கம் மற்றும் நோய் காரணமாக வேலையை விட்டு விலகுதல் போன்ற காரணங்களுக்கு ஈபிஎஃப் தொகை பெறுவதில் வரி விலக்கு உண்டு. இதேபோல் உங்கள் ஈபிஎஃப் தொகை தேசிய ஓய்வூதிய திட்டத்தின் கீழ் (NPS) மாற்றப்பட்டால் பிஎஃப் தொகைக்கு வரி விதிக்கப்படமாட்டாது.
உங்களுடைய முழு வருமானம் மற்றும் ஈபிஎஃப் தொகை உட்பட அனைத்திற்கும் வரி விதிக்கப்படவில்லை என்றால் Form G/Form 15H5-ஐ பயன்படுத்தி உங்கள் செல்ஃப் டிக்ளரேஷன் ஃபார்மை தாக்கல் செய்ய வேண்டும்.
ஈபிஎஃப் திரும்பப் பெறுதல்: வங்கிக் கணக்கில் பணம் வந்துசேர எவ்வளவு கால அவகாசம் ஆகும்?
உங்களது பிஎஃப் தொகை திரும்பப் பெறுதலுக்கான விண்ணப்பம் சமர்ப்பிக்கப்பட்டு ஒப்புதல் அளித்த மூன்றிலிருந்து நான்கு வாரங்களுக்குள் விண்ணப்பத்தில் கொடுக்கப்பட்டுள்ள வங்கிக் கணக்கில் வரவு வைக்கப்பட்டுவிடும். அதாவது, உங்களுடைய பிஎஃப் தொகை உங்களது வங்கிக் கணக்கிற்கு 20-30 நாட்களுக்குள் வந்தடையும்.
ஈபிஎஃப் திரும்பப் பெறுதல்: ஆஃப்லைன் செயல்முறை
ஈபிஎஃப் தொகையை ஆஃப்லைனில், அதாவது நேரடியாக விண்ணப்பிக்க புதிதாக கம்போஸைட் க்ளைம் ஃபார்ம் – ஆதார் (Composite Claim Form-Aadhaar) அல்லது கம்போஸைட் க்ளைம் ஃபார்ம் – ஆதார் அல்லாத ( Composite Claim Form for non-Aadhaar) என இருக்கும் ஃபார்ம்களை பதிவிறக்கம் செய்து விண்ணப்பிக்கலாம்.
கம்போஸைட் க்ளைம் ஃபார்ம் – ஆதார் பயன்படுத்தி ஈபிஎஃப் திரும்பப் பெறுதல்
உங்கள் ஆதார் எண் மற்றும் வங்கிக் கணக்கு எண் உங்களது UAN உடன் இணைக்கப்பட்டிருந்தால், கம்போஸைட் க்ளைம் ஃபார்ம் – ஆதார் எனும் படிவத்தை பயன்படுத்தி விண்ணப்பிக்கலாம். நிறுவனத்தின் சான்றொப்பம் இல்லாமல் படிவத்தை பூர்த்தி செய்து, அந்தந்த அதிகார வரம்பிற்குட்பட்ட இபிஎஃப்ஓ அலுவலகத்தில் சமர்ப்பிக்கலாம்.
கம்போஸைட் க்ளைம் ஃபார்ம் நான்–ஆதார் பயன்படுத்தி ஈபிஎஃப் திரும்பப் பெறுதல்
UAN வலைதளத்தில் உங்கள் ஆதார் எண் இணைக்கப்படவில்லையென்றால் ஆதார் அல்லாத கம்போஸைட் க்ளைம் ஃபார்ம் எனும் படிவத்தை பயன்படுத்தி ஈபிஎஃப் தொகைக்கு விண்ணப்பிக்கலாம். இந்தப் படிவத்தை பூர்த்தி செய்து நிறுவனத்தின் சான்றொப்பத்தோடு அந்தந்த அதிகார வரம்பிற்குட்பட்ட ஈபிஎஃப்ஓ அலுவலகத்தில் சமர்ப்பிக்கலாம்.
தங்களது ஆதார் விவரங்களை UAN உடன் இணைக்காத பணியாளர்கள், பிஎஃப் தொகையைத் திரும்பப் பெற வேண்டுமெனில், அவர்கள் கம்போஸைட் க்ளைம் ஃபார்ம் எனும் படிவத்தில் தங்களது நிறுவனத்தின் சான்றோப்பம் பெற்ற பின்னரே சமர்பிக்க முடியும் என்பதை நினைவில் கொள்ள வேண்டும்.
ஒருவேளை பாதி தொகை மட்டுமே ஈபிஎஃப்பில் இருந்து தேவையெனில் மேற்கண்ட சான்றிதழ்கள் வழங்க அவசியம் இல்லை. ஆகையால், இப்போது சுய சான்றோப்பத்தோடு விண்ணப்பிக்கலாம்.
யுஏஏன் இல்லாமல் பிஎஃப் திரும்பப் பெறுதல்
உங்கள் UAN எண் ஆக்டிவேட் செய்யப்படாத பட்சத்தில், நீங்கள் சரியான பிஎஃப் படிவத்தை பூர்த்தி செய்து மத்திய ப்ரோவிடென்ட் ஃபண்ட் அலுவலகத்தில் நேரில் சமர்ப்பிக்க வேண்டும். அத்துடன், உங்களது பிஎஃப் படிவத்துடன் வங்கி மேலாளர் அல்லது கெஜட் அதிகாரியிடம் உங்கள் அடையாள அட்டையில் சான்றோப்பம் பெற்று சமர்ப்பிக்க வேண்டும்.
பிஎஃப் திரும்பப் பெறுதலின் வகைகள்
பிஎஃப் தொகையை மூன்று விதமான செயல்முறையில் திரும்ப பெற இயலும். அவை:
- பிஎஃப் ஃபைனல் செட்டில்மென்ட்
- பிஎஃப் பார்ஷியல் செட்டில்மென்ட்
- பென்ஷன் வித்ட்ராயல் பெனிஃபிட்
ஈபிஎஃப் படிவங்கள்
பலவிதமான ஈபிஎஃப் திட்டத்தின் கீழ் ஈபிஎஃப் தொகையை திரும்பப் பெற வெவ்வேறு விதமான பிஎஃப் திரும்பப் பெறுதல் படிவங்கள் பயன்படுத்தப்பட்டு வருகின்றன. அவை பின்வறுமாறு:
EPF Form 19: இது பிஎஃப் தொகையை முற்றிலுமாக திரும்பப் பெற அல்லது ஈபிஎஃப் கணக்கில் இருந்து முன்பணத்தைப் பெற பயன்படுத்தப்படுகிறது.
EPF Form 31: இது பிஎஃப் தொகையில் ஒரு பகுதியை மட்டும் திரும்பப் பெற அல்லது ஈபிஎஃப்பில் இருந்து முன்பணம் பெற பயன்படுத்தப்படுகிறது.
EPF Form 10C: உங்களின் பணியாளர் ஓய்வூதியத் திட்ட நிலுவைத் தொகையை திரும்பப் பெற அல்லது அவற்றிற்கு மாற்றுவதற்காக பயன்படுத்தப்படுகிறது.
கம்போஸைட் ஃபார்ம்கள் இப்போது வெவ்வேறு படிவங்களாக மாற்றப்பட்டுள்ளன.
பிஎஃப் திரும்பப் பெறுதலுக்குத் தேவையான ஆவணங்கள் / விவரங்கள்:
பிஎஃப் தொகையை திரும்பப் பெறுவதற்கான நடைமுறைக்குத் தேவையான விவரங்கள் கீழே கொடுக்கப்பட்டுள்ளன:
- யுனிவர்சல் கணக்கு எண் என்னும் UAN
- பிஎஃப் கணக்கு வைத்திருப்பவரின் வங்கிக் கணக்கு விவரங்கள் (பிஎஃப் பணத்தை, அவரது மறைவு வரை மூன்றாவது தரப்பினருக்கு மாற்றப்பட மாட்டாது)
- பணியாளர் நிறுவனத்திலிருந்து வெளியேறிய பிறகு அவரது நிறுவனம் பிஎஃப் தொகைக்கான படிவத்தை சமர்பித்தல்.
பிஎஃப் திரும்பப் பெறுதல் சார்ந்த புகார்
ஈபிஎஃப் திரும்பப் பெறுதல் செயல்முறையில் ஏதேனும் சிக்கல்கள் இருப்பின் நீங்கள் ஈபிஎஃப் குறைகளை நிர்வாகிப்பதற்கான அமைப்பில் ஆன்லைன் மூலம் புகார் அளிக்கலாம். இங்கு உங்களது புகாரைப் பதிவு செய்யலாம். நினைவூட்டலை அனுப்பலாம் மற்றும் உங்களது புகார் நிலையை சரிபார்க்கலாம்.
எங்கள் வழிகாட்டியை படித்து ஈபிஎஃப் செயல்முறை பற்றிய குறைகளை EPFiGMS மூலம் புகார் செய்வது எப்படி என்பதை அறிந்து கொள்ளுங்கள்.
அடிக்கடி கேட்கப்படும் கேள்விகள் (FAQs)
UAN என்றால் என்ன?
UAN அல்லது யுனிவர்சல் அக்கவுண்ட் எண் என்பது ஊழியர்கள் தங்கள் வருங்கால வைப்பு நிதிக்காக தங்கள் ஊதியத்திலிருந்து ஒரு தொகையை பங்களிப்பு செய்யும் ஒவ்வொரு நபருக்கும் ஒதுக்கப்படும் தனித்துவமான 12 இலக்கு கணக்கு எண் ஆகும்.
PF என்பது எதனை குறிப்பிடுகிறது?
PF என்பது பிராவிடண்ட் ஃபண்ட் என்பதன் சுருக்கமாகும்.
EPF-ன் முழு வடிவம் என்ன?
EPF என்பது எம்பிளாயீஸ் ப்ராவிடென்ட் ஃபண்ட் என்பதன் சுருக்கமாகும்.
இந்தியாவில் PF-ஜ நிர்வாகம் செய்வது யார்?
இந்தியாவில் ஊழியர்களின் வருங்கால வைப்பு நிதி (EPFO) எனும் அமைப்புதான் PF-ஐயும் நிர்வாகம் செய்கிறது.
EPF தொகையை ஏன் பணிக் காலத்தின்போது திரும்பப் பெற முடியாது?
EPF உறுப்பினர்கள் பணி புரியும்போது அவர்களது பிஎஃப் தொகையை திரும்பப் பெற அனுமதி இல்லை. ஏனெனில், இந்த நிதியானது அவர்களது ஓய்வு காலத்தில் பயன்படுவதற்காக ஒதுக்கப்பட்டுள்ளது.
எனது பிஎஃப் தொகையை முழுமையாக நான் எந்த வயதில் பெற முடியும்?
முழு பிஎஃப் தொகையை உங்களது 58 வயதில்தான் திரும்பப் பெற முடியும்.
PF தொகையை பெற விண்ணப்பிக்கும்போது PAN விவரங்களை வழங்குவது அவசியமா?
ஆம். நமது PF தொகையை திரும்பப் பெறும் விண்ணப்பிக்கும் பொழுது PAN விவரங்களை வழங்குவது அவசியமாகும். அவ்வாறு செய்யத் தவறினால் உங்களது பிஎஃப் தொகையிலிருந்து 30% TDS அல்லது அதற்கும் மேல் கழிக்கப்படலாம். PAN விவரங்கள் கொடுக்கப்பட்டால் TDS விகிதம் 10% ஆக இருக்கும்.
எனது PF கணக்கிலிருந்து எடுத்த பணத்தை திரும்பப் பெற முடியுமா?
இல்லை, உங்களது PF கணக்கிலிருந்து நீங்கள் எடுத்த பணத்தை திரும்பப் பெற முடியாது.
EPFO இணையதளத்தில் உள்நுழையாமல் EPF தொகையை திரும்பப் பெற முடியுமா?
EPFO இணையதளத்தில் உள்நுழையாமல் EPF இருப்பை திரும்பப் பெற முடியும். இதற்காக நீங்கள் ஒரு கம்போஸைட் ஃபார்ம் பதிவிறக்கம் செய்து அதனை முழுமையாக பூர்த்தி செய்து உங்களது EPFO தலைமை அலுவலகத்தில் சமர்ப்பிக்கப்பட வேண்டும்.
PF பங்களிப்புகள் வரி விலக்குகளுக்கு தகுதியானதா?
வருமான வரிச் சட்டத்தின் 80c பிரிவின் கீழ் PF பங்களிப்புகளுக்கு வரி விலக்கு உண்டு.